هستعد للولادة ازاي في ظل انتشار #فيروس_كورونا 👌

انتشار كورونا فيروس كان له تداعيات كتير ، اثرت علي الحالة النفسية لامهات كتير اقترب موعد ولادتهم .

لكن حاولي تطمني علي قد متقدري و اتركي امرك كله لله ومع كدة في شوية إجراءات احترازية ممكن تقومي بيها و تحميكي انتي و طفلك من الفيروس .

اولهم تجهيز شنطة الولادة ،، ❤

واللي لازم يكون فيها بجانب لبسك و لبس المولود الجديد 👇

١. ملاية سرير كاملة لفرشها علي سرير غرفتك في المستشفي و ملاية لسرير البيبي.
٢. فوط ليكي و لطفلك.
٣. كلوروكس لتنظيف و تعقيم الاسطح.
٤. فوطة لتنظيف الاسطح.
٥. صابون سائل لغسل الايدي.
٦. هاند جيل.
٧. كمامات ليكي ولكل مرافقينك.
٨. مناديل.
٩. كحول ليكي و ممكن تستخدمي اللي هترشيه لسرة البيبي.
١٠. قطرة لعين البيبي و جوانتيات كتير لأيده.

اهم من كل دا هو الإجراءات اللي هنعملها عشان نضمن السلامة للجميع .

١. ممنوع تاخدي ماما و بابا معاكي المستشفي خاصة لو سنهم فوق ٥٠ ، لإن ممكن دا يشكل خطر عليهم.

٢. يفضل انك تصطحبي اختك او صديقتك المقربة او زوجك.

٣. لما تدخلي غرفتك تتأكدي ان المكان به تهوية جيدة ، و تطلبي من المرافق يحطلك ملاياتك و ملاية البيبي النضيفة .

٤. تتأكدي ان حد عقم الاسطح حواليكي و مقابض الابواب .

٥. تطلبي ان يكون سرير طفلك في نفس غرفتك و برضو تهتمي بتعقيمه و مسحه و فرشه جيدا .

٦. تطلبي من احد عاملات المشفي تعقيم الارضيات و الحمام و تحاولي قد متقدري متلمسيش اسطح خارج غرفتك.

٧. ممنوع الزيارات عنك نهائيا لان دا هيكون مصدر مباشر لنقل الميكروبات و الفيروسات.

٨. ممنوع تقبيل الطفل نهائيا حتي انتي نفسك بلاش تبوسي ابنك في اليوم دا.

٩. رضعي طفلك رضاعة طبيعية لتقوية مناعته و اشربي سوائل دافية كتير .

١٠. لو لاحظتي ان افراد التمريض في المستشفي بيتعاملوا معاكي و مع طفلك بدون كمامة و مش بيرتدوا جوانتي جديد امامك اطلبي منهم دا و اصري عليه.

واخيرا يفضل انك متطوليش مدة اقامتك في المستشفي عن ٢٤ ساعة .

ولو هتولدي في مستشفي كبيرة ، يفضل تختاري مستشفي اصغر و تستفسري كويس اذا كان ظهر فيها اي حالات للفيروس و تسألي طبيبك الخاص.

و تابعي مع طبيبك الخاص خلال التليفون عشان تحصلي علي معلومات تساعدك علي التعامل مع طفلك .

و تقدري كمان تبعتي لصفحتنا و تعرفي معلومات اكتر عن العناية بحديثي الولادة خلال فترة انتشار فيروس كورونا.

امتي اسيب ابني يلعب لوحده في الكيدز اريا ؟! 🤔

١. لو سنه ٤ سنين و حافظ اسمه بالكامل و اسم مامته علي الاقل .

٢. لو الكيدز اريا قريبة متزدش عن مكانك اللي هتقعدي فيه مسافة ربع الي نصف ساعة عشان توصليله .

٣. لما يكون المكان فيه وحدة اسعافات اولية متخصصة .

٤. لما يكون فيه اكتر من مشرفة علي الاطفال .

٥. لما تتأكدي ان فيه كاميرات في كل زاوية .

٦. لما تكون الالعاب مناسبة لسن طفلك .

٧. لما يكون اماكن لعب الاطفال منفصلة حسب السن .

٨. لما يكون فيه مخارج طوارئ مخصصة .

٩. لما يكون فيه انذار و طفاية حريق .

١٠. لما يكون ابنك متعلم كويس انه ممنوع يخبط ، او يزق طفل او يضربه او يعضه .

١١. لما يكون متعلم يعني ايه يستني الدور يجي عليه .

١٢. لما يكون لعب في كيدز اريا تحت اشرافك قبل كدة .

١٣. لما تكون الكيدز اريا مش مكان مفتوح من كل نواحي لازم تتأكدي ليها كام باب و كل باب بيودي علي فين .

١٤. لازم يكون الطفل عارف انه مينفعش يلعب ب لعبة مكسورة .

١٥.لازم يكون عارف انه ممنوع يقفز من مكان عالي .

١٦. و ممنوع يتسلق بأيد واحدة .

١٧. ممنوع يمشي علي ارض مبلوبة .

١٨. ممنوع يلعب في كهرباء او المياه لوحده .

١٩. قادر يدخل التوليت لوحده ويقدر يعتمد علي نفسه في لبس هدومه بعدها .

٢٠. يقدر يلبس الحذاء بتاعه .

٢١. معندوش مشاكل في التخاطب .

٢٢. مش بيتكسف من الناس و منطوي .

٢٣. يقدر يشتكي للمشرف او المشرفة من سلوك طفل اذاه .

٢٤. يقدر يمنع طفل من انه يضربه بشكل ايجابي .

٢٥. مش مادي و بيروح مع اي شخص حبا في لعبة او اكلة او حلوي .

كل دي شروط لازم تتوفر في الطفل و المكان لو هتسيبي ابنك يلعب بعيد عن عينك في كيدز اريا و في نفس الوقت لازم تكوني عارفة انك مينفعش تسيبي الطفل اكتر من نص ساعة لوحده بدون الرجوع ليه .

يفضل ان الطفل يكون معاه Tracker بدون مهو نفسه يعرف دا بيعمل ايه ،، مش سهل تلاقيه بيتباع في كل مكان لإنه غالي ولإن مش كل الاماكن بتسمح بيه لإنه بيأثر علي خصوصية الناس حواليه .

عشان كدة بنفضل ان الطفل يكون معاه اخ او صديق اكبر منه في كل الاوقات بشرط ..
١. انك برضو مش هتسيبيهم لوحدهم اكتر من ساعة .

٢. ان الطفل الكبير يقدر يخلي باله من الصغير .

٣. ان الكبير ميقلش سنن عن ٦ سنوات و الصغير ميقلش سنه عن ٣ سنوات .

الطفل والكيدز اريا